بنك فلسطين
وطنية

مهر فلسطينية يثير الجدل: ٤٠ الف دينار مقدم و ٦٠ الف مؤخر !!

عروسة
عروسة
تم نسخ الرابط http://mshreqnews.net/post/84283

نابلس/المشرق نيوز/

ذكرت مصادر محلية في مدينة نابلس ان عروس فلسطينية من مدينة نابلس تم توثيق عقدها قد سجلت رقم قياسي لم يسبق لاحد الوصول اليه من قبل وذلك بتوثيق مهر خيالي لها اثار ردود فعل كثيرة على مواقع التواصل الاجتماعي فقد كان اعلى مهر سجل في فلسطين بمدينة نابلس ٤٠ الف دينار مقدم و ٦٠ الف دينار مؤخر !!

والاجمل من ذلك ما تم رصده من ردود فعل على الموضوع عبر تعليقات القراء والمتابعين رصدت بعضها  :

”وع شووو ليكون مرصعة بالألماس

وشو جابروا عريسها يدفع كل هالمبلغ

يعني اخر حبة وخايف عليها تنقرض مثلا

يمكن عليها اضافات تعتيم شبابيك ..فتحت سقف .جنط 24 كشافات زنون دهان شركة .ولاضربة شاكوش ..

ع شو ؟! لتكون مخلوقة من دهب ! بأديش حسبوله الكيلو ؟

اكيد عمر العروس 20 وعمر العريس 75 ضامن حالو

شو بتوكل العاروس

حسسني الي هوا أخذ كليوبترا و الا بلقيس

بنات نابلس بطلعلهن وبلبقلهن

لا هاي شكلها عالمتر او نازله من ضلع بيل جيتس

منتاز ، باع بنته ب 100 الف دينار ، هي هيك مكلفته طلعت براس مالها

والله ما انا عارف هي عروس ولا شقه

اصلا البنت الاصيله بتتقدرش بثمن ولي بطلب مصاري بشتري مصاري بشتريش رجال عمي …..

باختصار نظرتك لقيمة الامور تختلف عن الاخرين ..نسبة وتناسب

٥٠٠٠ الاف دينار بالنسبة لي مثلا هي ٧٠٪‏مما املك فرضاً لذلك اراه مبلغ كبير

اما لغيري ٤٠٠٠٠ دينار هو ٥٪‏ ولهذا يجده عادياً

هاي القصة كنت سامعها من محل دهب بنابلس ..

بنت كان عمرها 18 او 19 وملكة جمال اخدت واحد عمره بال 50 من امريكيا متملك نص أميركا ومصاريه ﻻتعد وﻻ تحصى .. لدرجة انه الصايغ فصللها الدهب تفصيل منشان تقدر تلبسه كله .. أساور ع كل الإيد من اولها ﻻخرها وبالتنتين والعقود نفس الشي من الصغير للاكبر وطاقية ملبسة بليرات دهب كمان وحزام ليرات دهب ..وبرضه مش عترفين وين يروحو فيهن منشان تلبسو

وباﻻخر ماقعدت شهر عندو وروحت عند اهلها بعد ميت قتلة وكان يرجعلها سكران ويضل يضرب فيها وباﻻخر روحت بس بتكت الطيارة ﻻدهب وﻻ اواعيها حتى

الشاطر او الشاطرة يالي بقولو هي بلقيس وبا مرصع بالماس ولا ساندريلا ، كل هدول ما بيسو ليرة ، امنا خديجة وهي اشرف وافضل النساء لم يكن مهرها بهذا الجنون ، فاطمة الزهراء بنت الحبيب صلى الله عليه وسلم كذالك الامر وامنا عائشة كذالك وهن من افضل نساء الدهر خلقا وفهما ودينا ومقاما ، صراحة وضع مخزي في مجتمعنا حاليا هذا الغلاء في المهور ، خللها يا حج خللها والملح ع حسابي

اغلب التعليقات بتتمسخر عالبنت وبتقلل قيمتها … اول شي انا طرف محايد تاني شي مافي اي حد الو الحق يغلط تالت شي بما انو برضى للطرفين وين المشكله اكيد اللي بدفع عالمهر شب مقتدر والله معطيه

بعدين لو الدين والشرع بحرم هالشي كان ربنا شرع حد اعلى وادنى للمهور لكن ربنا من حكمتو خلى المساله مفتوحه لانو الناس طبقات وعقليات مختلفه… الله يهنيهم ويسترهم من النق